Bharosa tha voh tum par, ya...

kuch khali khali tha,
maan ka kona,
baatein band thee
ek sandook mein,
fir jane kaise chala ye jadoo
khul gaya sandook,
gayee saree batein bikhar,



Jo mein keh na payee thee
khud se
jo tum keh na paye the khud se
Vo sari batein jane kaise?
jane kaise keh gaye hum sab?



Bharosa tha voh tum par,
ya thee akhon mein koi sachayee,
ya dil ka nasoor itna bada ho gaya,
ki sambhale na sambhla,
aur bas beh chale hum sab...



dard shayad kuch kam bhee hua,
dil thoda nam bhee hua,
par haan ab mehsus hota hai kuch khulapan,
nahi uthti hai vo tise man mein,
Ud chali hain voh baatien khuli kidki se,
Aur mein ab ajad hoon unse...



Bharosa tha voh tum par,
ya thee akhon mein koi sachayee....

Savit

Tu prakash, tu hi vishwas,
Tej tera bhal pe, hai lalima lalat pe
Tu hai kada akhand sa
kiran kiran nikhar rahi,
lalima bikhar rahi,
tu sakti de to pran de,
tu he jiwan dan de,

Prabal atal akhand hai,
tu koti koti chandr hai,
agni tere krodh ki,
ya tap tere prem ka,
tu asadhy hai, tu hi mera aradhy hai

dashon dishaying dolti,
Jo agni teri bolti,
chmak uthi hain chotiyan,
tere hi is prkash se,
rakt ban ke beh raha,
har saans mein tu reh raha

Unnat rahe, atal rhe,
tej ye prabal rahe...
chamak rhi dhra harit,
tere pratap se savit

baatein

Baaton ke sahar mein gujri hai ek shaam,
Sunti hai kabhi, kabhi leti mera naam,
Kuch aise hain alfaaz ki, hum kho gaye,
Nikle the kis raah pe aur kahin ke ho gaye.

Mere jehen mein ubhri hui ek yaad jase ho,
baton mein ek bhoola sa andaz jase ho,
koi baat chalte chalte kamosh ho gayee,
Voh ja ke us kissey ke pahloo mein kho gaye.

Fir se vho ek umre humne gujar di,
Un kisson ne is safar ki tasweer ubhar di,
Har ek pal ko jaise jinda kar diya,
Jo mit chuki thi us hasrat ko hara kar diya,

Adat nhi hai yuon sunte rahein tuzhe,
Par teri har baat ne kuch nasha sa kar diya,
Le bhul kar sab kuch teri dagr pe chal pade,
Teri baton tere kisson, ka hissa ho chale

Saath bachpan ka

bandhan hai ye tera mera,
bandha na jise meine tune bandha
par juda hua hai bachpan se
tu smajhe har ek baat meri,
jane har ek ehasaas mera.

Thee bachpan ki voh takrar,
apne khilone dene se inkar,
par usme bhe kahi chupa that ye pyaar,

Ho anjan dagar,
ya sunsan safar,
mahfus hoon jo tera ehsaas hai,
Haan jude haun hum is rishte mein,
Is se na aur kuch khas hai,
Tahufe diye tune kitne,
par sbase pyara tahufa ki,
har pal tu mere saath hai

Raat ki Kahani

Kuch baat kabhi hoti hai yuon,
Koi raat akele se tanha,
Baithee thee sagar ke paas,
Bas tabhee hui halchal koi,
Bas tabhee jaaga who ehsaas.

Alhad se haseein hooton par thee,
Meethi se mehek sanson mein thee,
Kuch hua us pal mein tha,
Usne chua us pal mein tha,

Pyara sa voh lamha,
bas thehar us pal mein gaya,
Kuch kehne ka voh pal na raha,
Bas khamosh se sason ki aahat
hi karti thee haal byan,
Sab bhool gayee aage pechee,
Uske siwa koi pal na raha.

Voh raat kabhi tanha se thee,
Par aab sathee hai ye ahsaas,
Koi aata nahi najar lekin,
Par haan rahta hai voh fir bhee pass.